ახმეტელმა მოჭიდავეებმა ლატვიაში ოქროს ხუთი და ვერცხლის ერთი მედალი მოიპოვეს
საქართველო, თბილისი - 2010-08-26 13:53:00ნიკო ჭიკაიძე, ლევან დარძული, ზვიად მრელაშვილი, ვანო ჩურჩხელაშვილი და დავით რამაზაშვილი ოქროს, ხოლო მიხეილ ახალაური ვერცხლის მედლის მფლობელები 35-დან 66 კილოგრამამდე წონით კატეგორიებში გახდნენ.
ლიეპაიას ღია პირველობაზე ლატვიის, ლიტვის, ესტონეთისა და რუსეთის 400-მდე ძიუდოისტი გავიდა,
საქართველოს სახელით შეჯიბრში მხოლოდ ახმეტის ძიუდოისტთა ნაკრები მონაწილეობდა.
„ახმეტელმა სპორტსმენებმა ტურნირი ისე დაასრულეს არც ერთ უცხოელ მეტოქესთან არ დამარცხებულან", - განაცხადა გუნდის მწვრთნელმა ზეზვა შათირიშვილმა.