რუსთავში დღეს 2 ათასი ხე დაირგვება
საქართველო, თბილისი - 2009-11-08 14:47:00გარემოს დაცვის სამინისტრომ აქცია "დარგე ხე - გაამწვანე შენი გარემო" განაახლა.
რუსთავში, დევნილთა კომპაქტური დასახლების გამწვანებაში მინისტრმა გოგა ხაჩიძემ და პრეზიდენტის რწმუნებულმა ქვემო ქართლში დავით კირკიტაძემ მიიღეს მონაწილეობა.
რუსთავში მთელი დღის განმავლობაში სხვადასხვა ჯიშის 2 ათასი ხე დაირგვება. მოსახლეობას საშუალება ექნება ნერგები უსასყიდლოდ მიიღოს.
დღესვე სამინისტრომ ახალი ამერიკული ხელსაწყო გამოიყენა, რომელიც ატმოსფერული ჰაერის მტვრის დაბინძურების დონეს დაადგენს.