ავტოსაგზაო შემთხვევის შედეგად, სასწრაფო-სამედიცინო დახმარების 4 ექიმი დაშავდა
საქართველო, თბილისი - 2016-11-13 10:25:00
გვიან ღამით ავტოსაგზაო შემთხვევა მოხდა აბაშიძისა და ნაფარეულის ქუჩის კუთხეში რის შედეგადაც, სასწრაფო-სამედიცინო დახმარების 4 ექიმი დაშავდა. 3 მათგანი მკურნალობას სახლში განაგრძობს, ერთი კი ამ დრომდე რესპუბლიკურ საავადმყოფოში რჩება.
ერთმანეთს სასწრაფო-სამედიცინო დახმარების სამსახურისა და სავარაუდოდ ჯიპის ტიპის ავტომობილები შეეჯახნენ.
მომხდარზე საქმე სისხლის სამართლის კოდექსის 276-ე მუხლის პირველი ნაწილით მიმდინარეობს.