ზაალ გოროზიას მეუღლეს ცემა-ძალადობის მუხლით, ბრალი წარუდგინეს
საქართველო, თბილისი - 2016-09-18 12:38:00
,,ნაციონალური მოძრაობის“ მარტვილის მაჟორიტარობის კანდიდატის ზაალ გოროზიას მეუღლეს ბრალი წარუდგინეს.
გამოძიება 125-ე ცემა-ძალადობის მუხლით დაიწყო. საუბარია საოლქო საარჩევნო კომისიაში მომხდარ დაპირისპირებაზე, რომლის დროსაც ოლგა ჩურკანოვამ უბნებზე გამწესებელი უპარტიო წევრების სიის შენობიდან გატანა სცადა.
მისი განცხადებით, კონკურსის წესით შერჩევის ნაცვლად კანდიდატები სუს-ის მიერ იყო შერჩეული და კომისიას სია ,,ქართული ოცნების“ წარმომადგენელმა მიაწოდა.
ჩურკანოვას განცხადებით, მეუღლის ,,ნაციონალური მოძრაობასთან“ კავშირის გამო პოლიტიკური დევნის მსხვერპლია.
"ეს მიზანმიმართული პროვოკაციაა ჩემი და ჩემი ოჯახის მიმართ,"- აცხადებს ოლგა ჩურკანოვა. გოროზიას მეუღლე ამბობს, რომ ოცნების წევრმა ელგა ცანავამ მას როგორც სიტყვიერი ასევე ფიზიკური შეურაცხყოფა მიაყენა.