კახეთში უკანონო ნადირობის ფაქტები გამოავლინეს
საქართველო, თბილისი - 2016-08-23 11:25:00
გარემოსდაცვითი ზედამხედველობის დეპარტამენტის კახეთის სამმართველოს სწრაფი რეაგირების განყოფილების თანამშრომლებმა უკანონო ნადირობის 3 ფაქტი გამოავლინეს.
სიღნაღის, საგარეჯოს და ლაგოდეხის მუნიციპალიტეტებში მოქალაქეები ნადირობდნენ მოსაკრებლის გადახდის დამადასტურებელი ქვითრის გარეშე.
შედგა ადმინისტრაციული სამართალდარღვევის ოქმები.
მასალები შემდგომი რეაგირებისათვის გადაეგზავნება შესაბამის რაიონულ სასამართლოს.