ქაბულის გენპროკურატურასთან თვითმკვლელმა ტერორისტმა თავი აიფეთქა
საქართველო, თბილისი - 2015-05-04 13:16:00
ავღანეთის დედაქალაქ ქაბულში, თვითმკვლელმა ტერორისტმა, გენერალური პროკურატურის შენობის წინ მდგარი ავტობუსის სიახლოვეს, თავი აიფეთქა.
საინფორმაციო საშუალებების ინფორმაციით, ავტობუსში ავღანეთის სახელმწიფო მოხელეები იმყოფებოდნენ.
აფეთქების შედეგად ერთი ადამიანი დაიღუპა და ათზე მეტი - დაიჭრა.
მომხდარზე პასუხისმგებლობა ტერორისტული ორგანიზაცია ,,თალიბანის” წევრებმა აიღეს.