"ლეიბორისტებმა" მცხეთა-მთიანეთის გუბერნატორის წინააღმდეგ მთავარ პროკურატურაში სარჩელი შეიტანეს. ამის შესახებ "ლეიბორისტებმა" პროკურატურის წინ გამართულ აქციაზე განაცხადეს.
"ლეიბორისტული პარტიის" გენერალურმა მდივნმა, სოსო შატბერაშვილმა მცხეთა-მთიანეთის გუბერნატორი ცეზარ ჩოჩელი, დეპუტატი კობა ბალაგაძე და დუშეთის გამგებელი ზურაბ ოტიაშვილი კრიმინალური დაჯგუფებად მოიხსენია.
"სარჩელი შეგვაქვს მთავარი პროკურორის სახელზე, მიუხედავად იმისა რომ იგი ნაციონალია, ჩვენ ვიმედოვნებთ რომ მას უყვარს თავისი სამშობლო და ამ ფაქტზე სამართლიანად გამოიძიებს", _ აღნიშნა შატბერაშვილმა.
შატბერაშვილის განაცხადებით, აღნიშნულმა პირებმა გაყიდეს 14-კილომეტრიანი გაზის მილები და თბილისი ალტერნატიული გაზის მაგისტრალის გარეშე დატოვეს.
"ლეიბორისტების" ინფორმაციით, მათ კიდევ 28 კილომეტრი მილები გასაყიდად აქვთ გამზადებული.
