მოსკოვისაგან განსხვავებით თბილისში ვალტერ კელინის ანგარიშს, რომელიც მან გაეროს ადამიანის უფლებათა დაცვის კომიტეტში წარადგინა დადებითად აფასებენ.
საქართველოს საგარეო საქმეთა სამინისტროს საერთაშორისო დეპარტამენტის დირექტორი სერგი კაპანაძე აცხადებს, რომ კელინის მოხსენება საქართველოსათვის მნიშვნელოვანია იმიტომ, რომ იგი თავად იმყოფებოდა საქართველოში და თავად ნახა თუ რა მდგომარეობაა ადამიანის უფლებების დაცვის თვალსაზრისით ცხინვალის რეგიონში.
"კელინის მოხსენება მნიშვნელოვანია იმიტომ, რომ კელინი ჩამოვიდა საქართველოში, ასევე იმყოფებოდა ცხინვალში და იქ არსებული მდგომარეობა შეისწავლა. კელინმა საკმაოდ კარგად აღწერა ის პრობლემატიკა, რომელიც არის ცხინვალის რეგიონში, აღწერა ის, თუ როგორ ირღვევა იქ ადამიანის უფლებები", _ აცხადებს სერგეი კაპანაძე.
შეგახსნებთ, რომAმოსკოვი შიდა გადაადგილებული პირების უფლებების დაცვის საკითხებში გაეროს გენერალური მდივნის წარმომადგენლის ვალტერ კელინის მოხსენებამ გააღიზიანა. ანგარიში კელინმა ე.წ. სამხრეთ ოსეთში ვიზიტის შემდეგ მოამზადა.
ანგარიშში ტერმინი "საქართველო" ფიგურირებს და არა "სამხრეთ ოსეთი". ვალტერ კელინის მოხსენებაში ისიც წერია, რომ რეგიონში გადაადგილებული პირების გაუსაძლისი პირობებია შექმნილი.
