დღეს, 9 მარტს, აფხაზ სეპარატისტთა ყოფილ ლიდერს, ვლადისლავ არძინბას, მშობლიურ სოფელ ქვემო ეშერაში დაკრძალავენ. მისი სამოქალაქო პანაშვილი სოხუმში აფხაზეთის ე. წ. სახელმწიფო ფილარმონიის შენობაში 8 მარტს გაიმართა.
პანაშვიდი 9 მარტსაც გაიმართება.
არძინბას გარდაცვალებასთან დაკავშირებით აფხაზეთში გლოვაა გამოცხადებული.
ვლადისლავ არძინბას ქვრივის განცხადებით, მან ანდერძად დაიბარა, რომ მდინარე გუმისთის ნაპირზე დაემარხათ, იქ სადაც 1992-1993 წლებში ფრონტის ხაზი გადიოდა.
"ჯერ კიდევ რამდენიმე წლის წინ მან შეადგინა ანდერძი, სადაც ითხოვს, დაკრძალონ მშობლიურ სოფელში ქვემო ეშერაში, რომელიც მდინარე გუმისთასთან ახლოს მდებარეობს, ანუ იქ, სადაც ქართულ-აფხაზური ომის დროს ფრონტის ხაზი გადიოდა და ჩვენი ბიჭები იბრძოდნენ", _ განაცხადა არძინბას ქვრივმა.
