"ხელისუფლების დაკვეთით მოძრაობა ~სამართლიანი საქართველოსთვის~ წინააღმდეგ მიმართული ბინძური კამპანია გრძელდება. სააკაშვილის გუნდის დაკვეთით, ზურაბ ნოღაიდელის პოლიტიკური კურსი ამჯერად თელავის სახელმწიფო უნივერსიტეტის სახელით გაპროტესტდა", _ ნათქვამია მათ მიერ გავრცელებულ განცხადებაში.

მოძრაობის კახეთის რეგიონული ორგანიზაციის ხელმძღვანელის ლევან ხაზიურის თქმით, 15 თებერვალს თელავში გამართული ~საპროტესტო აქციის~ მონაწილეთა მხოლოდ მცირე ნაწილი იყო ამ სასწავლებლის სტუდენტი, მის უმეტესობას კი უცხო პირები შეადგენდნენ და ისინი თავად თელავის სახელმწიფო უნივერსიტეტის სტუდენტებმაც ვერ ამოიცნეს.

ლევან ხაზიური მოუწოდებს თელაველ ახალგაზრდებს, ნუ მიიღებენ მონაწილეობას სააკაშვილის მიერ ორგანიზებულ აქციებში.

~ჩვენი მოძრაობა არჩეულ კურსს არ გადაუხვევს, ვინაიდან ეს არის საქართველოს გამთლიანების და გადარჩენის ერთადერთი გზა~, _ აცხადებს მოძრაობის კახეთის ორგანიზაციის ლიდერი.