ქვეყნებისა და კომპანიების საქმიანობა, რომელიც მიმართულია პროექტ "სამხეთის დერეფნის" განვითარებისკენ, ხელს შეუწყობს ევროპასთან ურთიერთობების გაღრმავებასა და დაახლოებას. იგი დიდ როლს შეასრულებს გაზის მიწოდების მარშრუტების დივერსიფიკაციის საქმეში, - ეს განცხადება დღეს აზერბაიჯანში აშშ-ის ელჩმა მეთიუ ბრაიზამ გააკეთა.
"ქვეყნები და კომპანიები მნიშვნელოვან ეტაპზე იმყოფებიან. მათი საქმიანობა მიმართულია პროექტ "სამხრეთ დერეფნის" განვითარებაზე და იგი ხელს უწყობს ევროპასთან ურთიერთობების გაღრმავებასა და დაახლოებას. მათი მუშაობა ასევე დადებითად აისახება ევროპაში გაზის მიწოდების მარშუტების დივერსიფიკაციაზე", - განაცხადა ბრაიზამ.
აზერბაიჯანში აშშ-ის საელჩო და ოფიციალური ვაშინგტონი გააგრძელებენ მხარეთა მხარდაჭერას იმ საკითხში, რომლის მიზანიცაა კომერციისა და ვაჭრობის თვალსაზრისით შეთანხმების მიღწევაა, რომლებიც წარმატებულ და მიმზიდველ პროექტებს შეეხება.
იანვარში აზერბაიჯანსა და ევროკავშირს შორის ხელი მოეწერა "ერთობლივ დეკლარაციას სამხრეთის გაზის დერეფნის შესახებ".
"სამხრეთის დერეფანი" ევროკავშირისთვის ერთ-ერთი პრიორიტეტული ენერგეტიკული პროექტია, რომელიც მოწოდებულია ენერგომიწოდების მარშრუტებისა და წყაროების დივერსიფიკაციისათვის და ამით ევროკავშირის ენერგეტიკული უსაფრთხოების გაზრდას ემსახურება.
"სამხრეთის დერეფანის" პროექტებია "ნაბუკოს" გაზსადენი, "ტრანსადრაიტიკული" გაზსადენი, "თეთრი ნაკადი" და გაზსადენი თურქეთი-საბერძნეთი-იტალია.