ევროკავშირი ორი მნიშვნელოვანი გაზსადენის პროექტის - "ნაბუკოსა" და თურქეთი-საბერძნეთი-იტალიის (ITGI), გაერთიანების ინიციატივით გამოდის. აღნიშნული იდეის განხორციელება კი შესაძლებელს გახდიდა ევროპის აზერბაიჯანული გაზით უზრუნველყოფას.
გავრცელებული ინფორმაციით, ევროკავშირი ცდილობს შეამციროს რუსეთის ენერგორესურსებზე დამოკიდებულება და პირველ რიგში აზერბაიჯანული გაზის იმედი აქვს.
ევროკომისიაში მიიჩნევენ, რომ საწყის ეტაპზე უნდა განხორციელდეს უფრო იაფი პროექტის ITGI -ის რეალიზაცია და შემდგომ ავსტრიაში მისი განშტოების მშენებლობა მოხდეს, როგორც ამას "ნაბუკოს" პროექტი ითვალისწინებს.
ITGI -ის საპროექტო ღირებულება 3,4 მლრდ. დოლარადაა შეფასებული, ხოლო "ნაბუკოსი" - 10,7 მლრდ. დოლარად.
"ნაბუკოს" მენეჯმენტში, მიმდინარე ეტაპზე ITGI-თან მოლაპარაკებებს არ ადასტურებენ. ჯერჯერობით წინადადების განხილვა პოლიტიკურ დონეზე მიმდინარეობს.