რუსეთის საგარეო დაზვერვის სამსახური ირწმუნება, რომ ევროკავშირს "საქართველოს გათავისუფლება არ სურს" და ნებისმიერ ფასად აპირებს ქვეყნის "დემოკრატიული ევროინტეგრაციის გზაზე დაბრუნებას".
რუსეთის საგარეო დაზვერვის სამსახურის მტკიცებით, ბრიუსელის ევრობიუროკრატია არ სურს დაკარგოს „დასავლეთის გავლენის მნიშვნელოვანი დასაყრდენი ამიერკავკასიაში“.
"ევროკავშირის ჩინოვნიკებს დაევალათ აქტიურად იმუშაონ ქართული ოპოზიციური პარტიების – ერთიანი ნაციონალური მოძრაობის, ახალის, საქართველოსთვის, ევროპული საქართველოსა და გირჩი – მეტი თავისუფლების გაერთიანებაზე. მათ უნდა შექმნან ერთიანი მუშტი, რომელიც მიმართული იქნება მმართველი პარტიის, ქართული ოცნების, წინააღმდეგ" - ნათქვამოა დაზვერვის ინფორმაცაიში.
„ევროკავშირის წარმომადგენლობას თბილისში გამოეყო მნიშვნელოვანი რესურსები დემონსტრაციების მხარდასაჭერად და კოორდინირებისთვის. დაგეგმილიაანტისამთავრობო აქციების თითოეულ მონაწილეს დღიურად 120 ევრომდე ანაზღაურების გადახდა“, - ამტკიცებს რუსეთის დაზვერვა.
დაზვერვა ასევე ირწმუნება, რომ მიმართულების ცალკე სფეროა ანტისამთავბრობ განწყობების ჩამოყალიბება ადგილობრივი ახალგაზრდების ყველაზე დინამიურ ნაწილს შორის" - ბლოგერებში, ჟურნალისტებსი, IT სპეციალისტებში, ასევე მათ შორის, რუსი რელოკანტების წარმომადგენლებში
„ბრიუსელის კონტროლირებად ქართულ და ევროპულ მედიასაშუალებებსა და არასამთავრობო ორგანიზაციებს დაევალათ ამ ფოკუს ჯგუფის ტვინის გამორეცხვა მათთვის ერთიანი ევროპასთან თანამშრომლობის უპირატესობებისა და „ქართული ოცნების“ მიერ არჩეული პრორუსული კურსის უშედეგობის პროპაგანდით", - წერია განცხადებაში.
