თერაპიის ეროვნული ცენტრი დღევანდელ აუქციონზე არ გაიყიდა.
ეკონომიკისა და მდგრადი განვითარების სამინისტროში შესაბამისი დაინტერესება არ შესულა.
შეგახსენებთ, რომ იყიდება თერაპიის ეროვნული ცენტრის სახელმწიფო საკუთრებაში არსებული 1 ლარიანი ნომინალური ღირებულების 1103372 ცალი აქცია (სახელმწიფო წილი კაპიტალში 100%).
სს "აკად. ნოდარ ყიფშიძის სახელობის თერაპიის ეროვნული ცენტრის" საწესდებო კაპიტალი 1103372.00 ლარს შეადგენს და მისი საწყისი ღირებულება 1 მლნ. 105 ათასი ლარია. ეკონომიკისა და მდგრადი განვითარების სამინისტროს ინფორმაციით, თერაპიულ ცენტრს 198724.00 ლარის დებიტორული დავალიანება და 408868.00 ლარის კრედიტორული დავალიანება გააჩნია.
