ერევანში სავაჭრო ცენტრ "სურმალუში" მომხდარ ტრაგედიასთან დაკავშირებით, დაღუპულთა ხსოვნის პატივსაცემად, სომხეთში 17-18 აგვისტო გლოვის დღეებად გამოცხადდა.
სავაჭრო ცენტრ "სურმალუში" ორი დღის წინ მომხდარ აფეთქებას სულ მცირე 16 ადამიანი ემსხვერპლა, დაკარგულად ითვლება 10-ზე მეტი ადამიანი.
ერევნის სამედიცინო დაწესებულებებს 61-მა დაშავებულმა მიმართა, მათგან 7 აგრძელებს მკურნალობას.
14 აგვისტოს, სავაჭრო ცენტრის პიროტექნიკის საწყობში ძლიერი აფეთქება მოხდა, რასაც მოჰყვა ნგრევა და ხანძარი.
