ავღანეთში პაკტიკას პროვინციაში ძლიერი მიწისძვრის შედეგად დაღუპულთა რიცხვი 920-მდე გაიზარდა, 600-ზე მეტი კი დაშავდა. იტყობინება Al Jazeera ავღანეთის კატასტროფების მართვაზე პასუხისმგებელ ორგანოებზე დაყრდნობით.
მიწისძვრის შედეგად, დანგრეულია ასობით საცხოვრებელი სახლი.
მიწისძვრის ეპიცენტრი ავღანეთის სამხრეთ-აღმოსავლეთით ქალაქ ხოსტიდან 44 კმ-ში მდებარეობდა.
6.1 მაგნიტუდის მიწისძვრა გამთენიისას მოხდა.
ბიძგები იგრძნობოდა ქაბულში, ასევე პაკისტანსა და ინდოეთში.