დასავლეთის მიერ არალეგიტიმურად აღიარებული, ბელარუსის ავტორიტარი ლიდერი ალიაქსანდრ ლუკაშენკა აცხადებს, რომ "უკრაინა სლავურ წიაღში უნდა დააბრუნონ".
ლუკაშენკას განცხადებით, დასავლეთი რუსეთ-უკრაინის ძმობის სისხლში ჩახშობას ესწრაფვის.
"დასავლეთს უნდა სისხლში ჩაახშოს რუსეთ-უკრაინის ძმობა, ჩვენი სლავური ძმობა. მაგრამ ჩვენ მონათესავე სლავი ერები ვართ, რომლებიც ერთი ნათლობის ემბაზიდან მოვდივართ. ჩვენი ფესვები საუკუნეების სიღრმეებიდან არის და მას უნდა გავუფრთხილდეთ, რადაც არ უნდა დაგვიჯდეს. ძმობა ხომ იმაზე მეტია, ვიდრე გამოგონილი წყენა და ადგილობრივი პოლიტიკური ამბიციები. ჩვენი განუყოფელი კავშირები საერთო უსაფრთხოებისა და გადარჩენის საფუძველია. და ვინმეს, როგორც არ უნდა უნდოდეს, ჩვენ დავაბრუნებთ უკრაინას ჩვენს სლავურ წიაღში. ჩვენ ამას აუცილებლად გავაკეთებთ", - განაცხადა ლუკაშენკამ.