რუსეთის პრეზიდენტის პრესსპიკერის დმიტრი პესკოვის განცხადებით, შეერთებული შტატების მიერ ვლადიმირ პუტინისთვის სანქციების დაწესება ორ ქვეყანას შორის ურთიერთობების გაწყვეტის მომასწავებელი იქნება.
პესკოვი ამ განცხადებით გამოეხმაურა ამერიკელი სენატორების მიერ მომზადებულ კანონპროექტს, რომელიც რუსეთისა და მისი ლიდერების წინააღმდეგ მკაცრი სანქციების წინადადებებს მოიცავს.
პესკოვს ჟურნალისტებმა ჰკითხეს, სანქციების დაწესების შემთხვევაში, მიიღებს თუ არა მოსკოვი სარკისებურ ზომებს და სანქციებს დაუწესებს ჯო ბაიდენს.
"სახელმწიფოს მეთაურის ან მთავრობის მეთაური წინააღმდეგ სანქციების დაწესება უპრეცენდენტო ღონისძიებაა, რომელიც გაწყვეტს ურთიერთობებს", - თქვა პესკოვმა. "რუსეთი ყოველთვის მზად არის და გააკეთებს იმას, რაც ზედმიწევნით შეესაბამება ჩვენი ქვეყნის ინტერესებს", - დასძინა მან.
შეგახსენებთ, შეერთებული შტატების სენატის დემოკრატმა წევრებმა მოამზადებს სანქციათა პაკეტი რუსეთის წინააღმდეგ, რომელიც უკრაინაში სამხედრო შეჭრის შემთხვევაში უნდა ამოქმედდეს.