კვირას, შვეიცარიაში კოვიდშეზღუდვების მოხსნასთან დაკავშირებით, ერთგვარი რეფერენდუმი ჩატარდება. მოქალაქეები ხმის მიცემის პრინციპით გადაწყვეტენ ქვეყანაში უნდა მოქმედებდეს თუ არა კოვიდრეგულაციები.
მთავრობის განცხადებით, მათთვის უმნიშვნესია დემოკრატიული ღირებულებები და ამის უზრუნველყოფა ყველასთვის. მიღებული "მაბალანსირებელი აქტის" შედეგად, რომელიც მთავრობამ პანდემიის დაწყებისას დაამტკიცა, ხელისუფლებას კოვიდრეგულაციების გამკაცრების პოლიტიკის შემოღება ეზღუდება.
შეგახსენებთ, რომ დასავლეთ ევროპის ხსენებული ქვეყანა, ვაქცინირების ერთ-ერთი ყველაზე დაბალი მაჩვენებელით გამოირჩევა. არსებული მონაცემებით, შვეიცარიაში მოსახლეობის მხოლოდ ორი მესამედია აცრილი, ხოლო ყოველკვირეული სტატისტიკის მონაცემების მიხედვით, ვირუსით ინფიცირების 40-50 პროცენტიანი ზრდა ფიქსირება.
მიუხედავად ამ ყველაფრისა, შვედეთის ჯანდაცვის მინისტრი, ალაინ ბერსეტი, რეგულაციების გამკაცრებას არ გეგმავს, მეზობელი ავსტრიისა და გერმანიის მაგალითზე.
ამჟამად კი ქვეყანაში 100 ათას მოსახლეზე კოვიდინფიცირების 200-მდე შემთხვევა ფიქსირდება.
შვეიცარიაში პირდაპირი დემოკრატია მოქმედებს, სადაც მოქალაქეებს რეგულარულად ეძლევად საშუალება, სხვადასხვა საკითხის გადასაწყვეტად რეგიონულ და ეროვნულ რეფერენდუმებში მიიღონ მონაწილეობა.
რეფერენდუმის ჩასატარებლად 50 000 ხელმოწერის მოგროვებაა საჭირო.
რეფერენდუმის შედეგები მომავალ კვირას გახდება ცნობილი.