დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის განცხადებით, სტუდენტების დაახლოებით 9.5%-ს კორონავირუსი გადატანილი აქვს.
საკოორდინაციო საბჭოს სხდომის შემდეგ გამართულ ბრიფინზე, ამირან გამყრელიძემ აღნიშნა, რომ ვაქცინაციის მაჩვენებელი სტუდენტებში ძალზედ დაბალია და მათ მეტად გააქტიურებისკენ მოუწოდა.
"ყველაზე დაბალი აცრის მაჩვენებელი გვაქვს სტუდენტებში. 138 000-მდე სტუდენტია საქართველოში, აქედან ორჯერადად აცრილთა საშუალო მაჩვენებელი არის 17 პროცენტი, რაც დაბალია. მოვუწოდებ სტუდენტებს, თუ გვინდა, რომ დასწრებული სწავლება იყოს, იაქტიურონ და მივცეთ მაგალითი. ამავე დროს, სტუდენტებში დაახლოებით 9.5 პროცენტს ინფექცია აქვს გადატანილი", - განაცხადა ამირან გამყრელიძემ.