საქართველოს ტერიტორიების საწინააღმდეგოდ ჩადენილ ქმედებებში ბრალდებულ ივერი მელაშვილსა და ნატალია ილიჩოვას მოსამართლე ლელა კალიჩენკომ აღკვეთის ღონისძიების სახით შეფარდებული პატიმრობა 20 000-20 000-ლარიანი გირაოს სანაცვლოდ შეუცვალა.
ამასთან, სასამართლომ დააკმაყოფილა პროკურატურის შუამდგომლობა ივერი მელაშვილის საგარეო საქმეთა სამინისტროში დაკავებული თანამდებობიდან გადაყენების შესახებ.
შეგახსენებთ, რომ ბრალდებულების მიმართ შეფარდებული აღკვეთის ღონისძიების 30 000-30 000-ლარიანი გირაოს სანაცვლოდ შეცვლის შუამდგომლობა პროკურატურამ დააყენა.
დაკავებული კარტოგრაფების სასამართლო პროცესის პარალელურად, თბილისის საქალაქო სასამართლოსთან დაკავებულების მხარდამჭერი აქცია მიმდინარეობს.
