"ქართული ოცნება" იმას „ირჩევს“, ვინც უკვე არჩეულია ოლიგარქის მიერ" - ასე ეხმიანება "ქართული ოცნების" მიერ დაგეგმილ ყრილობას "ნაციონალური მოძრაობის" თავმჯდომარე ნიკა მელია.
მისი განმარტებით, ხალხის, და ხალხის მიერ არჩეული - არჩევნებში რეალურად გამარჯვებული ოპოზიციის საბოლოო გამარჯვება გარდაუვალია.
"დღეს დიდი ქარაქუცობა იქნება- ქართული ოცნება ყრილობას მართავს და იმას „ირჩევს“, ვინც უკვე არჩეულია ოლიგარქის მიერ. ოლიგარქის, რომელიც ოპოზიციურ პარტიებს იხსენიებს „ქარაქუცა პარტიებად“.
არადა, რა უნდა იყოს იმაზე დიდი ქარაქუცობა, რაც დღეს მოხდება - უკვე არჩეულის „ასარჩევად“ ამხელა აურზაური ექნებათ..
ხალხის, და ხალხის მიერ არჩეული - არჩევნებში რეალურად გამარჯვებული ოპოზიციის საბოლოო გამარჯვება გარდაუვალია.
ახლა მთავარია თანმიმდევრული, უკომპრომისო ბრძოლა და რაც ყველაზე გადამწყვეტია, რწმენა იმისა რომ გავიმარჯვებთ.
რომ გაიმარჯვო, ჯერ უნდა დაიჯერო რომ გაიმარჯვებ!"- აცხადებს მელია.
