პარტიამ ,,თავისუფალი დემოკრატები“ პარტიის ახალი თავმჯდომარე და გამგეობის ახალი შემადგენლობა 14 სექტემბერს, მცხეთაში გამართულ, მეექვსე რიგგარეშე ყრილობაზე აირჩია.
ყრილობაზე დამტკიცდა წესდების ახალი რედაქცია, დასახელდა პარტიული სიის პირველი ნომერი და წადგენილი იქნა პარტიის მაჟორიტარობის კანდიდატთა შემადგენლობა თბილისსა და რეგიონებში.
პარტიის თავმჯდომარედ აირჩა პარტიის გენერალური მდივანი თამარ კეკენაძე.
პარტიის გამგეობის წევრებად წარდგენილი და არჩეული იქნა: ვახტან მჭედლიძე, თამარ კეკენაძე, დევი ტაბიძე და ემზარ კაკულია.
პარტიული სიის პირველ ნომრად დასახელდა პარტიის გამგეობის წევრი ვახტანგ მჭედლიძე.
,,თავისუფალმა დემოკრატებმა“ საკუთარი კანდიდატები ოთხ მაჟორიტარულ ოლქში წარადგინეს, მათ შორის ორი თბილისში, ორი - რეგიონში.
თბილისის მასშტაბით მაჟორიტარი დეპუტატობის კანდიდატები იქნებიან:
· ვიტალი დარასელია - საბურთალოს საარჩევნო ოლქი;
· ედუარდ ელოშვილი - ისნის საარჩევნო ოლქი;
რეგიონებში „თავისუფალი დემოკრატების“ მაჟორიტარი დეპუტატობის კანდიდატები იქნებიან:
· დავით ჭუნიაშვილი - გურჯაანი, საგარეჯო, სიღნაღი, დედოფლისწყაროს საარჩევნო ოლქი;
· ვახტანგ მარტოლეკი - მცხეთა, დუშეთი, თიანეთი, ყაზბეგის საარჩევნო ოლქი.
პარტიის ყრილობა გახსნა პარტიის გამგეობის წევრმა ემზარ კაკულიამ.
პარტიის ახლადარჩეულმა თავმჯდომარემ, თამარ კეკენაძემ სიტყვით მიმართა მოწვეულ დელეგატებს, სტუმრებს, ისაუბრა პარტიის არსებულ რეალობაზე და სამომავლო გეგმებზე:
"დღეს, ჩვენ, "თავისუფალ დემოკრატები" კიდევ ერთხელ დავდექით რთული გამოწვევის და არჩევანის წინაშე - დაშლილიყო პარტია,და ყველას გაგვეგრძელებინა მშვიდი და უზრუნველი ცხოვრება, ან კიდევ ერთხელ დავმდგარიყავით ერთად და ყველასთვის, პირველ რიგში კი საკუთარი თავებისთვის დაგვემტკიცებინა, რომ ადამიანი სანამ ცოცხალი ხარ, ყოველთვის შეგიძლია გადალახო ნებისმიერი სირთულე და დაიწყო თავიდან. მთავარია გჯეროდეს, გჯეროდეს, რომ შენ, ჩვენ, ყველა ჩვენს თანამოაზრესთან ერთად შეგვიძლია მოვუტანოთ დადებითი ცვლილება იმ ქუჩას, სოფელსა თუ ქალაქს, რომელშიც ცხოვრობ შენ და შენი ოჯახი.
დღევანდელმა შეკრებამ მკაფიოდ დაანახა ყველას რა არის ჩვენი არჩევანი და მინდა მადლობა გადაგიხადოთ ამ სულისკვეთებისათვის, როგორც პარტიის ძველ წევრებს, ასევე იმ ადამიანებს რომლებიც ახლა შემოგვიერდით, რადგან ადვილია მიხვიდე მდიდარ და გამართულ პარტიაში. რთულია და ძალინ დიდ პიროვნულ სიმამაცეს მოითხოვს თანაგუნდელები აირჩიო ღირებულებების მიხედვით. ამიტომ კიდევ ერთხელ დიდი მადლობა თქვენ ამ არჩევანისთვის.
მე, როგორც პარტიის ახალი თავმჯდომარეს ორი პრიორიტეტი მექნება:
პირველი, პარტია "თავისუფალი დემოკრატები", ვაქციოთ ისეთ პლათფორმად, სადაც თვითოეულ წევრს ექნება ყველანაირი შესაძლებლობა მოახდინოს საკუთარი თავის რეალიზაცია და შეძლოს საკუთარი იდეების განხორციელება. ადგილი, სადაც ყველას აზრი იქნება თანაბრად ღირებული და მნიშვნელოვანი მიუხედავად დაკავებული თანამდებობისა. "თავისუფალი დემოკრატები" გახდება მაგალითი, თუ როგორი უნდა იყოს თანამედროვე, ღირებულებეზე დაფუძნებული პოლიტიკური ორგანიზაცია, რომელსაც აქვს პრეტენზია შექმნას ახალი სტანდარტი ქართულ პოლიტიკურ სივრცეში.
და მეორე, ჩვენ უნდა აღვადგინოთ ჩვენი ამომრჩევლების და მხარდაჭერების ნდობა პარტიის მიმართ. ბოლო საპარლამენტო არჩევნებზე, ასი ათასამდე ადამიანმა დაგვიჭირა მხარი, რომელთა ნდობა სამწუხაროდ ვერ გაამართლა პარტიამ. მინდა ვისარგებლო შემთხვევით და მივმართო ამ ადამიანებს, ვიცი, რომ ბევრი თქვენგანი დღეს სამართლიანად განაწყენებული და იმდეგაცრუებულია. მინდა გთხოვოთ, მოგვცეთ კიდევ ერთი შანსი, რომ დაგანახოთ - ჩვენ ვართ გუნდი, რომელსაც აქვს ხედვა, მოტივაცია და ბრძოლისუნარიანობა შეცვალოს თქვენი მომავალი უკეთესობისკენ. ჩვენ "თავისუფალი დემოკრატები", დაუღალავად ვიბრძოლებთ იმისთვის, რათა დაგარწმუნოთ რომ ჩვენი სახით თქვენ შეგიძლიათ მშვიდად და ამაყად აირჩიოთ თქვენი ევროპული მომავალი.
"თავისუფალი დემოკრატები" გავდივართ არჩევნებზე. პარტია 2020 წლის საპარლამენტო არჩევნებში დამოუკიდებლად მიიღებს მონაწილეობას.
ეს არის გადაწყვეტილება, რომელიც მთელმა გუნდმა, თავისუფალი დემოკრატების წევრებმა ერთად, ერთხმად მივიღეთ.
არ გაგიკვირდებათ თუ გეტყვით, რომ დღეს ჩვენი ამბიცია არ არის დამოუკიდებლად შევძლოთ ქართული ოცნების ხელისუფლების შეცვლა, თუმცა ჩვენი ამბიცია და ამოცანა ნამდვილად არის პროდასავლურ ძალებთან ერთან, ჩვენი მნიშვნელოვანი წვლილი შევიტანოთ, რათა ჩვენს მოქალაქეებს დავუბრუნოთ ევროპული მომავლის იმედი.
"თავისუფალი დემოკრატები" გახდება საპარლამენტო პარტია და თქვენ, და ჩვენს თანამოაზრეებს გეყოლებათ თქვენი ხმა და წარმომადგენელი პარლამენტში.
ჩვენ ვაპირებთ, მცირე, მაგრამ ეფექტური გუნდით,მრავალფეროვანი კამპანია შევთავაზოთ ჩვენს ამომრჩეველს. თქვენთან ერთად ადგილებზე, სოფლებსა თუ ქალაქებში, კარდაკარ, გავაცნოთ მოსახლეობას, თუ როგორ ვხედავთ პანდემიის პირობებში მათი ეკონომიკური და სოციალური მდგომარეობის გაუმჯობესებას, ავუხსნათ თუ რატომ არის საქართველოს ევრო-ატლანტიკურ სივრცეში გაწევრიანება მათი კეთილდღეობის და უსაფრხოების გარანტი. და ბოლოს, დავარწმუნოთ, რომ ჩვენი, " თავისუფალი დემოკრატების" მხარდაჭერით, ისინი ხმას საკუთარ და ქვეყნის ევროპულ მომავალს აძლევენ“ - ნათქვამია თამარ კეკენაძის მიმართვაში.