ფოთში 43 წლის მამაკაცი მოკლეს. გავრცელებული ინფორმაციით, იგი სასტიკად იყო ნაცემი. ინფორმაციას საზოგადოებრივი მაუწყებელი ავრცელებს.
"ჩვენს კლინიკაში „112“-ის ბრიგადამ შემოიყვანა მამაკაცი. მას აღენიშნებოდა სიცოცხლისთვის შეუთავსებელი, მრავლობითი ტრავმული დაზიანებები. მიუხედავად ჩატარებული რეანიმაციული მოქმედებისა, პაციენტი გარდაიცვალა",- განაცხადა ფოთის ჰოსპიტლის რეანიმატოლოგმა, გაგა ტყეშელაშვილმა.
შინაგან საქმეთა სამინისტროს ინფორმაცით, მომხდარზე გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.
