ესტონეთის საგარეო დაზღვევის სამსახურმა გამოაქვეყნა ანგარიში "საერთაშორისო უსაფრთხოება და ესტონეთი 2020", რომელშიც საქართველოს რამდენჯერმე არის ნახსენები, როგორც რუსეთისგან მომავალი საფრთხეების ერთ-ერთი ობიექტი.
ანგარიშში აღნიშნულია, რომ რუსეთი აძლიერებს საქართველოზე ზეგავლენის მოხდენას ყველა შესაძლო გზით, რათა შეაფერხოს მისი სვლა დასავლეთთან ინტეგრაციისკენ.
ნათქვამია, რომ რუსეთი დღითიდღე აძლიერებს თავის სამხედრო წარმომადგენლობას საქართველოს საზღვრებთან და ასევე ოკუპირებულ ტერიტორიებზე.
"ოკუპირებულ ტერიტორიებზე რუსული ქვედანაყოფები კარგად არის აღჭურვილი და შეიარაღებული და რეგულარულ წვრთნებში მონაწილეობენ.
ამასთან, 2019 წლის სექტემბერში, რუსეთის პრეზიდენტმა ვლადიმერ პუტინმა გამოაცხადა, რომ რუსეთი დააფინანსებს აფხაზეთის "შეიარაღებული ძალების" მოდერნიზაციას და ხელახლა შეიარაღებას", - ვკითხულობთ ანგარიშში.
ესტონეთის საგარეო დაზვერვის სამსახურის ანგარშში წერია, რომ რუსეთი ჩაერია დასავლეთში გამართულ არჩევნებში 2019 წელს და სავარაუდოდ, იმავეს გაიმეორებს 2020 წელს.
ნათქვამია, რომ განსაკუთრებული აქცენტი რუსეთს მიმართულ ექნება აშშ-ის საპრეზიდენტო არჩევნებისა და საქართველოს საპარლამენტო არჩევნების მიმართ.
"რუსეთი ჩაერია 2019 წელს დასავლურ არჩევნებში და სავარაუდოდ, ამის გაკეთებას გეგმავს ისევ 2020 წელს. მაგალითად, წელს, რუსეთის ყურადღება გამახვილდება აშშ-ს საპრეზიდენტო და საქართველოს საპარლამენტო არჩევნებზე.
მთავარი მიზანია უზრუნველყოს რუსეთისთვის უფრო მომგებიანი შედეგის დადგომა რუსული ვექტორის კანდიდატების სასარგებლოდ.
უფრო მეტიც, რუსეთს სურს აჩვენოს, რომ დასავლეთი ვერ ახერხებს სამართლიანი არჩევნების ჩატარებას, რაც შესაძლებლობაა მოსკოვისთვის, რუსეთის პრობლემებისგან ყურადღება სხვა საკითხზე გადაიტანოს და მიმართოს უკვე გამოცდილ რიტორიკას და დასავლეთის ორმაგ სტანდარტზე ისაუბროს", - აღნიშნულია ანგარიშში.