საერთაშორისო რესპუბლიური ინსტიტუტის (IRI) მიერ გამოქვეყნებული კვლევის შედეგების მიხედვით, ნეგატიურ პოლიტიკურ რეიტინგებს ლიდერობს საქართველოს პრეზიდენტი სალომე ზურაბიშვილი, რომლის მიმართ ნეგატიურად არის განწყობილი 70%.

სალომე ზურაბიშვილს მოსდევს პოლიტიური პარტია "გირჩის" ლიდერი ზურაბ ჯაფარიძე, რომლის მიმართ 66%-ია ნეგატიურად განწყობილი.

მესამე ადგილს 59-59%-ით ინაწილებენ "პატრიოტთა ალიანსის" ლიდერი ირმა ინაშვილი, დემოკრატიული მოძრაობა "ერთიანი საქართველოს" ლიდერი ნინო ბურჯანაძე და "ევროპული საქართველოს" ერთ-ერთი ლიდერი გიგი უგულავა.

პოლიტიკოსთა პოზიტიური რეიტინგი გამოიყურება შემდეგნაირად:

დავით ბაქრაძე - 57 %

კახა კალაძე - 49 %

დავით უსუფაშვილი - 47 %

გრიგოლ ვაშაძე - 41 %

ალექსანდრე ელისაშვილი - 39 %

გიორგი გახარია - 39 %

შალვა ნათელაშვილი - 39 %

გიორგი ვაშაძე - 34 %

ნიკა მელია - 34 %

ირაკლი ღარიბაშვილი - 33 %

ბიძინა ივანიშვილი - 32 %

ნინო ბურჯანაძე - 31 %

გიგი უგულავა - 31 %

მამუკა ხაზარაძე - 29 %

ირმა ინაშვილი - 29 %

არჩილ თალაკვაძე - 25 %

სალომე ზურაბიშვილი - 23 %

კახა შარტავა - 19 %

ზურაბ გირჩი ჯაფარიძე - 14 %

ლევან იოსელიანი - 3 %

კვლევის შესახებ

წინამდებარე კვლევის საველე სამუშაოები ჩაატარა კვლევისა და მარკეტინგის ინსტიტუტმა (IPM), 2019 წლის 11 სექტემბრიდან 14 ოქტომბრის ჩათვლით. 

კვლევას კოორდინაციას უწევდა კვლევითი კომპანიის „ბალტიის კვლევები/გელაპის ორგანიზაციის“ წარმომადგენელი, დოქტორი რასა ალისაუსკიენე, საერთაშორისო რესპუბლიკური ინსტიტუტის კვლევების ცენტრის დაკვეთით. 

კვლევა განხორციელდა პირისპირ ინტერვიუს მეთოდის გამოყენებით რესპოდენტების საცხოვრებელ სახლებში. 
კვლევაში მონაწილეობა მიიღო საარჩევნო ხმის უფლების მქონე საქართველოს 1500-მა მცხოვრებმა, 18 წლის ასაკიდან. 

შერჩევა არის წარმომადგენლობითი და ზუსტად ასახავს საქართველოს მთლიან მოსახლეობას ასაკის, სქესის, რეგიონისა და სიდიდის გათვალისწინებით.

გამოყენებული იქნა მრავალსაფეხურიანი ალბათობის მეთოდი, შემთხვევითი მარშრუტისა და შემდგომი დაბადებისდღის მქონე რესპოდენტის შერჩევის კრიტერიუმით.

კვლევის ჩატარება შესაძლებელი გახდა ამერიკელი ხალხის უანგარო მხარდაჭერით, აშშ-ის საერთაშორისო განვითარების სააგენტოს (USAID) მეშვეობით.