შვედეთის ელჩი ულრიკ ტიდესტორმი მიკრობლოგ ტვიტერზე ბათუმის "მოცეკვავე შადრევნების" ფოტოს აქვეყნებს, სადაც მიმდებარე ტერიტორია დანაგვიანებულია.
"მოცეკვავე შადრევნები ბათუმში. შორიდან ლამაზია. ახლოდან არც ისე მიმზიდველი", - წერს ულრიკ ტიდესტორმი.
ტვიტერის ერთ-ერთმა მომხმარებელმა ელჩს ჰკითხა, თუ როდის იყო აღნიშნული ფოტო გადაღებული, რაზედაც მან უპასუხა:
"დიახ, ამ დილით. იმედია, დროებითია. ასეთი შესანიშნავი ადგილი შესანიშნავ ქალაქში. ვიცი, რომ ბევრი ძალისხმევა კეთდება ქალაქში, რეგიონში და ქვეყანაში გარემოს დასაცავად. შვედეთი ამას მხარს უჭერს"