საქართველო ისევ უკრაინის იმედად რჩება. როგორც მთავრობის სხდომაზე პრემიერ-მინისტრმა ნიკა გილაურმა განაცხადა, ადგილობრივ ბაზარზე ხორბლის დეფიციტის აღმოფხვრაში საქართველოს უკრაინა დაეხმარება.
"თითქოს იყო გადაწყვეიტლება მიღებული, რომ ჩვენთვის უკრაინის ბაზარი ჩაიკეტებოდა, მაგრამ ასე არ მოხდა. ჩვენ პრეზიდენტისგან კონკრეტული დავალება მივიღეღ, რათა მოგვეხდინა ბაზრის დივერსიფიკაცია და იმავდროულად, ახალი ბაზრები მოგვეძებნა. სოფლის მეურნეობის მინისტრთან ერთად ინტენსიურად ვიმუშავეთ ერთი მიმართულებით და ჩვენთვის მთავარ პარტნიორად ისევ უკრაინა ავირჩიეთ. პირველადი დასტური უკრაინიდან უკვე მიღებულია და უკრაინიდან უახლოეს ხანებში 150 ათას ტონა ხორბალს ველოდებით, რომელიც ადგილობრივ ბაზარზე მდგომარეობას შეამსუბუქებს", - განაცხად ნიკა გილაურმა.
პრემიერ-მინისტრის თქმით, უკრაინიდან დამატებითი მოცულობის ხორბლის იმპორტი მნიშვნელოვანია, რადგანაც ამ გზით საქართველო თავიდან აიცილებს იმ კრიზისს, რაც შესაძლოა უახლოესი 2-3 თვის განმავლობაში წარმოქმნილიყო.
