ბრიტანეთის ავიაკომპანია British Airways -მა ფინანსური წელი მნიშვნელოვანი ზარალით დაასრულა.
"ბიბისის" ინფორმაციით, კომპანიის ზარალმა 531 მლნ ფუნტ სტერლინგი შეადგინა, რაც დაახლოებით 762 მლნ აშშ დოლარია. ეს კოპანიისთვის მისი პრივატიზაციის შემდედ, 1987 წლიდან ყველაზე დიდი დანაკარგია. მსგავსი დიდი ოდენობის ზარალის მიზეზი მგზავრთა ნაკადის შემცირება და პერსონალის გაფიცვებია.
უახლოეს პერიოდში კომპანიას კიდევ ელის პერსონალის გაფიცვები, რაც მას უფრო მეტ ზარალს მოუტანს. გაფიცვა ორშაბათს დაიწყება.
ბოლო ფინანსური წლის განმავლობაში, რომელიც მიმდინარე წლის მარტში დასრულდა, British Airways -ის მოგება 1 მლრდ ფუნტით შემცირდა, თუმცა, კომპანიაში აღნიშნავდნენ, რომ ხარჯები თითქმის 990 მლნ ფუნტით შემცირდა.
გაფიცვები კომპანიაში 2009 წლის ნოემბრიდან დაიწყო. გაფიცვების სერია იყო მიმდინარე წლის მარტშიც, გადაიდო ასობით რეისი, რაც კომპანიას 43 მლნ ფუნტი დაუჯდა.