უზბეკეთი საქართველოსთან ეკონომიკური ურთიერთობების გაღრმავებით დაინტერსებულია. ამის შესახებ უზბეკეთის მთავრობის წარმომადგენლება, საქართველოს ეკონომიკური განვიათრების მინისტრთან ზურაბ პოლიკაშვილთან გამართულ შეხვედრებზე განაცხადეს.
პოლოლიკაშვილი უკვე მეორე დღეა დელეგაციასთან ერთად ტაშკენტში იმყოფება. ვიზიტის ფარგლებში, იგი უზბეკეთის პრემიერ-მინისტრის პირველ მოადგილეს, ფინანსთა მინისტრს რუსტამ აზიმოვს და ვიცე-პრემიერს, საგარეო ეკონომიკური კავშირების მინისტრს ელერ განიევს შეხვდა.
`მასპინძლების მხრიდან ხაზგასმით აღინიშნა საქართველოს, როგორც სატრანზიტო ქვეყნის მნიშვნელობა, გამოითქვა დაინტერესება ტრასეკას დერეფნის როლის გაძლიერების მიმართულებით და განსაკუთრებით აღნიშნა ფოთის პორტის, სტრატეგიული როლი უზბეკეთისა და შუა აზიის ქვეყნებისთვის~, - აღნიშნავენ საქართველოს ეკონომიკის სამინისტროში.
პოლოლიკაშვილმა და განიევმა შეხვედრაზე ორ ქვეყნას შორის პირდაპირი ავიამიმოსვლის აუცილებლობის, ტურისტული და სავაჭრო ურთიერთობების გაღრმავების, ქართული ღვინისა და მინერალური წყალის უზბეკეთის ბაზარზე პოპულარიზაციის საკითხებზე ისაუბრეს.
უზბეკეთის ვიცე-პრემიერის თქმით, ყველაფერი გაკეთდება იმისთვის, რათა ქართულმა პროდუქციამ შესაბამისი ადგილი დაიკავოს უზბეკეთის ბაზარზე.
ზურაბ პოლოლიკაშვილმა კი, განიევს საქართველოში ჩამოსვლა, უზბეკური პროდუქციის გამოფენის ორგანიზება და ბიზნეს ფორუმის ჩატარება შესთავაზა.