სოზარ სუბარი "ალიანსში" გაწევრიანებით მეტნაკლებად იმედგაცრუებულია. როგორც სუბარმა ტელეკომპანია "მაესტროს" ეთერში საუბრისას განაცხადა, ალიანსში ყოფნის რამდენიმე თვის თავზე რასაც მასში გაწევრიანების დროს ფიქრობდა "რაღაცნაირად ვერ განხორციელდა".
"ამომრჩეველს არ მოვატყუებ. როცა სახალხო დამცველის პოსტიდან წამოვედი, არ დავმალავ, რომ ბევრი შეთავაზება მქონდა, მაგრამ "ალიანსში" მივედი, რადგან მიმაჩნდა და იმედი მქონდა, რომ იქ დიდი ერთობა შედგებოდა, თუმცა რასაც მაშინ ვფიქრობდით, რაღაცნაირად ვერ განხორციელდა. შეიძლება ზოგი რამ ჩემი ბრალი იყო, რაღაც კი იმის, რომ ზოგმა ამბიცია ვერ დავთმეთ", - განაცხადა სუბარმა.
მისივე განმარტებით, "ალიანსელებს" "დღეს შეუძლია უთანხმოებები გვერდზე გადადოს და ურთიერთობებში გარდატეხა შეიტანონ".
