"საქართველოში შიშობენ, რომ მოსკოვსა და დაღესტნის ტერაქტების შემდეგ რუსეთის მხრიდან ახალი აგრესიაა მოსალოდნელი". ამ შინაარსის სტატიას დღეს "ვაშინგტონ თაიმსი" აქვეყნებს.
ამერიკულ გამოცემას ინტერვიუ საქართველოს საგარეო საქმეთა მინისტრის მოადგილემ გიგა ბოკერიამ მისცა. გიგა ბოკერიას შეშფოთების საფუძველი არის რუსეთის უშიშროების საბჭოს მდივნის ნიკოლაი პატრუშევის განცხადება, რომელმაც მოსკოვის ტერაქტებში ქართული კვალის არსებობა არ გამორიცხა.
გაზეთთან საუბრის დროს გიგა ბოკერიამ რუსული ბრალდებები უარყო და განაცხადა, რომ გრამი სიმართლეც კი არ არის. გამოცემა იმასაც აღნიშნავს, რომ რუსეთის მხრიდან მსგავსი ბრალდებები 2008 წლის აგვისტოს ომის წინაც ისმოდა.
"ვაშინგტონ თაიმსი" სტატიაში ცნობილი ამერიკელი ექსპერტის სვანტ გომელის მოსაზრებებსაც აქვეყნებს. ის მიიჩნევს, რომ აგრესიის საფრთხე განსაკუთრებით აქტუალურია იმის ფონზე, რომ მოსკოვი ოკუპირებულ რეგიონებში სამხედრო ბაზებს ქმნის და "მისტრალის" ტიპის სამხედრო ხომალდებს ყიდულობს.