დღეს, 30 მარტს, ჟენევაში მოლაპარაკებათა მორიგი რაუნდი გაიმართება.
მოლაპარაკებებზე ქართული მხარე კვლავ ოკუპირებულ ტერიტორიებზე უსაფრთხოებისა და დევნილთა დაბრუნების საკითხების დაყენებას აპირებს.
თბილისში მიიჩნევენ, რომ რუსეთის წინააღმდეგობის მიუხედავად საერთაშორისო მოლაპარაკებათა გაგრძელება აუცილებელია.
შეგახსენებთ, რომ სწორედ რუსული მხარის წინააღმდეგობის გამო ვერ მოხერხდა მოლაპარაკებათა წინა რაუნდზე ევროპელი თანათავმჯდომარეების მიერ უსაფრთხოების შესახებ მომზადებული დოკუმენტის მიღება. რუსულმა მხარემ მისი განხილვა შემდეგ შეხვედრაზე მოითხოვა.
ქართული დელეგაცია ჟენევაში 29 მარტს გამთენიისას გაემგზავრა.