გამწვანების აქცია "დარგე ხე, გაამწვანე შენი გარემო" დღეს, ქუთაისში გაიმართა. ხეების დარგვის საგაზაფხულო აქცია გარემოს დაცვისა და ბუნებრივი რესურსების დასავლეთ ცენტრალურმა რეგიონალურმა სამმართველომ გარემოს დაცვის ინსპექციასა და სატყეო სამმართველოსთან ერთად დაიწყო.
150 ძირი წიწვოვანი ჯიშის ხე დარგეს ქალაქ ქუთაისის წმინდა გიორგის ეკლესიის ეზოში, თაბუკაშვილის ქუჩა № 28-ში მდებარე საერთო სარგებლობის ეზოში და გეგუთის № 1 საჯარო სკოლის ეზოში.
შეგახსენებთ, რომ გასული წლის შემოდგომასა და გაზაფხულზე სამინისტრომ უკვე განახორციელა გამწვანების აქცია, რომლის ფარგლებშიც დედაქალაქსა და საქართველოს რეგიონებში 300 ათასსზე მეტი ნერგი დაირგო.
გამწვანების აქცია "დარგე ხე - გაამწვანე შენი გარემო"ერთი კვირაა დაიწყო. იფანის, ნეკერჩხლის, საპნის ხის, შავი ფიჭვის, თრიმლის, ველური ნუშისა და ფშატის ნერგებით დატვირთული ავტომანქანა თბილისის ქუჩებში მოძრაობს და ნერგებს უსასყიდლოდ ურიგებს მოსახლეობას. ყველა დაინტერესებულ ადამიანს აქციის შესახებ ინფორმაციის მიღება გარემოს დაცვის სამინისტროს ცხელ ხაზზე - 070 დღე-ღამის განმავლობაში ნებისმიერ დროს შეუძლია.