"ხალხის პარტიის" ლიდერი, კობა დავითაშვილი, კომენტარს აკეთებს იმ საკითხთან დაკავშირებით, მოასწრებს თუ არა ეროვნული საბჭო 9 აპრილიდან 30 მაისამდე სრულფასოვანი საარჩევნო კამპანიის ჩატარებას. მისი თქმით, დღეს თუ ვინმე საარჩევნო კამპანიას ატარებს, ეს "ეროვნული საბჭოა". ამის შესახებ დავითაშვილმა "რია ნოსვოსტის" თბილისის ოფისში გამართულ შეხვედრაზე ისაუბრა.
"რეალურად დღეს თუ ვინმე საარჩევნო კამპანიას ატარებს, ეს "ეროვნული საბჭოა". ჩვენ გარდა, სხვა ვინ ხვდება ამომრჩეველს და ვინ ისმენს მათ პრობლემებს? მეტსაც გეტყვით, "ქართული აკადემია" უკმაყოფილოა თავისი კანდიდატით და ირაკლი ალასანიას გააქტიურებისკენ მოუწოდებს", - განაცხადა დავითაშვილმა.
