საქართველოს საგარეო საქმეთა სამინისტრო გარემოს დაცვის სამინისტროსთან ერთად შეიმუშავებს საგანგებო განცხადებას აფხაზეთის ტერიტორიაზე ეკოლოგიური მდგომარეობის შესახებ და ამ განცხადებას გაეროს წარუდგენს. ეს რეკომენდაცია პარლამენტის ტერიტორიული მთლიანობის აღდგენის კომისიამ და საგარეო ურთიერთობათა და გარემოს დაცვის კომიტეტებმა ერთობლივად მისცეს აღნიშნულ სამინისტროებს დღევანდელ გაერთიანებულ სხდომაზე.
დღესვე განიხილეს აფხაზეთის ტერიტორიაზე არსებული ეკოლოგიური მდგომარეობა იმავე მონაცემებზე დაყრდნობით, რაც საქართველოს ხელისუფლებას ოფიციალურად გააჩნია და ასევე, რისი მოძიებაც იქნა შესაძლებელი სხვადასხვა საინფორმაციო საშუალებების მიხედვით.
როგორც სხდომაზე ითქვა, გაეროს გარემოს დაცვითა ორგანიზაციამ 15 მარტს გამოსცა დასკვნა, რომელიც ეხება სოჭის ტერიტორიას და ეს დასკვნა არის კატასტროფული, ვინაიდან ამ დასკვნაში მოცემულია ანალიზი სოჭის ტერიტორიაზე შექმნილ ეკოლოგიურ მდგომარეობასთან დაკავშირებით და გაერო მიიჩნევს, რომ ამ მდგომარეობას სოჭის ოლიმპიადისათვის მზადება უფრო მეტად ამძიმებს. თუმცა როგორც ტერიტორიული მთლიანობის აღდგენის კომისიის თავმჯდომარე შოთა მალაშხია აღნიშნავს ამ დასკვნაში არაფერი არ არის ნათქვამი აფხაზეთის ტერიტორიაზე, საიდანაც გააქვ სამშენებლო მასალა. ეს პროცესი კი აზიანებს აფხაზეთის სანაპირო ზოლს. სწორედ ამიტომ სხდომაზე იქნა გადაწყვეტილება მიღებული რომ საგარეო საქმეტა და გარემოს დაცვის სმაინისტროები ერთობლივად შეიმუშავებენ საგანგებო განცახდებას, სადაც შეტანილი იქნება ყველა მონაცემი და რეაგირებისათვის გადაუგზავნიან გაეროს გარემოს დაცვის ორგანიზაციას.
როგორც სს მინისტრის მოადგილე ალექსანდრე ნალბანდოვი აცხადებს, სამინისტროს აღნიშნულ საკითხთან დაკავშირებით მუშაობა უკვე დაწყებული აქვს და იმედოვნებს, რომ მიმართვის შემუშავება უახლოეს დღეებში დასრულდება და გაეროს დაუყონებლივ გადაეგზავნება.
მასალის გამოყენების პირობები
