უმსხვილესი კომპანიებიდან ყველაზე მეტი ენერგეტიკის სექტორზე მოდის

საქართველო, თბილისი - 2013-04-03 15:09:00

---

საქართველოს 100 უმსხვილეს კომპანიას შორის 18% ენერგეტიკის, 6% ნავთობის, 5% ავტოდილერების, 12% ტრანსპორტი და ლოჯისტიკის, 11% მძიმე ინდუსტრის, 4% კომუნიკაციების, 10% მშენებლობის, 8% თამბაქოს რეალიზაციის, 5% აზარტული თამაშების, 6% ფარმაციის და მედიცის, 13% კი კვების მრეწველობის და დისტრიბუციის სექტორიდან არის. 2% კი სხვადასხვა სექტორიდან. აღნიშნულის შესახებ „ილიუნი ბიზნეს რევიუს" კვლევაშია აღნიშნული. თავის მხრივ კი კვლევა დაეყრდნო საქსტატის 2012 წლის მონაცემებს.

საქართველოს უმსხვილესი კომპანია ზედიზედ მეორე წელია არის - სოკარ ჯორჯია პეტროლიუმი, რომელიც აზერბაიჯანიდან ნავთობის ექსპორტით არის დაკავებული და ავტოგასამართი სადგურების ქსელიც გააჩნია საქართველოს მასშტაბით, კომპანია საქართველოს საწვავის იმპორტის თითქმის 70%-ის მომწოდებელია. საწვავი და ნავთობპროდუქტები საქართველოში უმხვილეის საიმპორტო ჯგუფია.

უმსხვილესი კომპანიების ათეულში შედიან - ტოიოტა კავკასია, სან პეტროლიუმ ჯორჯია (გალფი), ვისოლ პეტროლიუმ ჯორჯია, საქართველოს რკინიგზა, ლუკოილ ჯორჯია, ჯორჯიან მარგანეზი, რუსთავის აზოტი, ბიპი და ტოიოტა ცენტრი თბილისი.

რაც შეეხება ცალკეულ სექტორებს:

ნავთობკომპანიებს შორის უმსხვილესი კომპანიაა - სოკარ პეტროლიუმ ჯორჯია, ენერგო კომპანიებს შორის - საქართველოს ნავთობის და გაზის კორპორაცია; ავტოდილერებს შორის - ტოიოტა კავკასია; ტრასპორტის და ლოჯისტიკა - საქართველოს რკინიგზა; მძიმე ინდუსტრია - ჯორჯიან მარგანეზი; კომუნიკაციები - მაგთიკომი; მშენებლობა - კავკაზუს როუდ პროჯექტი; თამბაქოს რეალიზაცია - ელიზი ჯგუფი; აზარტული თამაშები - ლიდერბეთი; ფარმაცია და მედიცინა - ავერსი ფარმა; კვების პროდუქტების, სასმელებით ვაჭრობა და დისტრიბუცია - აიდიეს ბორჯომი.

კვლევას - ,,საქართველოს ტოპ 50 კომპანია'' ილიაუნი ბიზნეს რევიუ ყოველწლიურად აქვეყნებს.