კოლუმბიაში საქართველოს საგანგებო და სრულუფლებიანმა ელჩმა ქვეყნის პრეზიდენტს რწმუნებათა სიგელები გადასცა
საქართველო, თბილისი - 2012-07-20 16:15:00ოფიციალური ცერემონიის ფარგლებში გამართული შეხვედრისას კოლუმბიის პრეზიდენტმა ხაზი გაუსვა საქართველოში გატარებული რეფორმების მნიშვნელობას და გამოთქვა სურვილი, საქართველოსა და კოლუმბიას შორის გაღრმავდეს თანამშრომლობა კულტურის, განათლების, მეცნიერების, სოფლის მეურნეობის და ვაჭრობის მიმართულებით. კოლუმბიის პრეზიდენტმა ასევე აღნიშნა თავისი ქვეყნის მხარდაჭერა საქართველოს სუვერენიტეტისა და ტერიტორიული მთლიანობის მიმართ.
ბრაზილიის ფედერაციულ რესპუბლიკაში საქართველოს საგანგებო და სრულუფლებიანი ელჩი ოთარ ბერძენიშვილი აკრედიტებულია, როგორც საქართველოს არარეზიდენტი ელჩი, ბოლივიის მრავალეროვნულ სახელმწიფოში, სურინამში, პერუში, ეკვადორსა და კოლუმბიაში.