გამოცდების ეროვნულმა ცენტრმა ეროვნულ სასწავლო ოლიმპიადაში გამარჯვებული სკოლების სია გამოაქვეყნა
საქართველო, თბილისი - 2012-05-09 14:38:00გამარჯვებული სკოლები შესაბამის კლასებში მოსწავლეთა და ოლიმპიადაში მონაწილეთა რაოდენობით, ასევე მონაწილეების მიერ მიღებული შედეგების გათვლისწინებით განისაზღვრა.
გამოცდების ეროვნულმა ცენტრმა ოლიმპიადა 3 ტურად ჩაატარა. ოლიმპიადაში 200 ათასამდე მოსწავლე მონაწილეობდა.
ეროვნული სასწავლო ოლიმპიადა ყველა საგანში 2009 წლიდან ტარდება.
ოლიმპიადის მიზანი ნიჭიერი მონაწილეების გამოვლენა და სასწავლო პროცესის სტიმულირებაა.