საქართველოს მასშტაბით არსებულ 3511 საარჩევნო უბნიდან მხოლოდ ერთი უბანი არ გახსნილა
საქართველო, თბილისი - 2008-01-05 12:18:00ცესკო-ს სპიკერის განცხადებით, ჯერჯერობით არ დასტურდება გავრცელებული ინფორმაცია სამხრეთ-ოსეთის ტერიტორიაზე ავნევში საარჩევნო უბნის ბლოკირებასთან დაკავშირებით.
"გავრცელდა ინფორმაცია, რომ სამხრეთ-ოსეთის ტერიტორიაზე, სოფლებში ავნევსა და ნულში მოხდა საარჩევნო უბნების ბლოკირება და კომისიის წევრები უბანზე არ შეუშვეს, ეს ინფორმაცია ჯერჯერობით არ დასტურდება და ჩვენ ვცდილობთ მის გადამოწმებას", _ განაცხადა ფორჩხიძემ.
მისივე თქმით, ასევე არ დასტურდება ინფორმაცია გლდანის 53-ე უბანზე უბედური შემთხვევის შესახებ.
ფორჩხიძის განცხადებით, უმნიშვნელო ინციდენტი მოხდა მთაწმინდის 18-წე საარჩევნო უბანზე, სადაც ამომრჩეველს დაავიწყდა ბიულეტენზე ხელმოწერის გაკეთება, რის გამოც კომისიის წევრების თანდასწებით საარჩევნო ყუთის გახსნა გახდა საჭირო. ცესკო-ს სპიკერის თქმით, ამ დროისათვის ამ უბანზე პროცესი ჩვეულებრივ რეჟიმში მიმდინარეობს.
ცესკო-ში ასევე არ დასტურდება ინფორმაცია ბათუმის მე-4 უბანზე არსებული დარღვევის შესახებ. გავრცელებული ინფორმაციით, აღნიშნულ უბანზე ხმა სამხედროებმა მისცეს.