მთავრობის ქმედებები ეწინააღმდეგება ხალხის ნებას. ევროკავშირი ქართველი ხალხის გვერდით დგას - ევროპული საბჭოს პრეზიდენტი
საქართველო, თბილისი - 2024-12-02 03:41:00
ევროპული საბჭოს პრეზიდენტი ანტონიუ კოშტა და ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში კაია კალასი ტელეფონით ესაუბრნენ საქართველოს პრეზიდენტს სალომე ზურაბიშვილს.
სატელეფონო საუბრის შემდეგ, კოშტამ სოციალურ ქსელში განცხადება გამოაქვეყნა, სადაც დაგმობილია საქართველოს მთავრობის ქმედებები მომიტინგეთა წინააღმდეგ.
"პრეზიდენტ სალომე ზურაბიშვილს ტელეფონით ვესაუბრე კაია კალასთან ერთად.
ჩვენ ვგმობთ ძალადობას მშვიდობიანი დემონსტრანტების წინააღმდეგ.
მთავრობის ქმედებები ეწინააღმდეგება ხალხის ნებას. ევროკავშირი ქართველი ხალხის გვერდში დგას", - წერია განცხადებაში.
Had a call with @Zourabichvili_S together with @kajakallas.
— António Costa (@eucopresident) December 1, 2024
We condemn the violence against peaceful protestors.
Actions of government run counter to the will of the people. The EU stands with the people of #Georgia. pic.twitter.com/OxapgXsafB