ვწუხვარ, მაგრამ შორიდან, დამკვირვებლის პოზიციაში ყოფნა ზიანს აყენებს ევროკავშირსაც და ქართველ ხალხსაც - მირიამ ლექსმანი მაკრონს და შოლცს
საქართველო, თბილისი - 2024-05-20 22:29:00
ემანუელ მაკრონ, ოლაფ შოლც ვწუხვარ, მაგრამ შორიდან, დამკვირვებლის პოზიციაში ყოფნა ზიანს აყენებს ევროკავშირსაც და ქართველ ხალხსაც, – ამის შესახებ ევროპარლამენტარი მირიამ ლექსმანი სოციალურ ქსელში წერს.
ევროპარლამენტარი ეხმიანება ორი ქვეყნის ლიდერის მიერ გუშინ გავრცელებულ განცხადებას.
„ვწუხვარ, მაგრამ შორიდან, დამკვირვებლის პოზიციაში ყოფნა ზიანს აყენებს ევროკავშირსაც და ქართველ ხალხსაც. ჩვენ არ შეგვიძლია, ვიყოთ ლეთარგიული, როცა „ქართული ოცნება“ ძირს უთხრის დემოკრატიას და ქართველი ხალხის ევროპულ მისწრაფებებს“, – წერს ლექსმანი.
ემანუელ მაკრონისა და ოლაფ შოლცის ერთობლივ განცხადებაში აღნიშნულია: „საქართველოს ევროპული გზა გაწერილია, მაგრამ წინსვლის სიჩქარე და მიმართულება საქართველოზეა დამოკიდებული“.
I’m sorry @Bundeskanzler & @EmmanuelMacron, but your fence-sitting harms both the EU and the Georgian people. We cannot afford to be lethargic when GD is undermining democracy & Georgian people’s European aspirations! https://t.co/qPzEx6ZHk6
— Miriam M. Lexmann (@MiriamMLex) May 20, 2024