ჩერნობილთან ახლოს ტყის ხანძრის შვიდი კერა გაჩნდა
საქართველო, თბილისი - 2022-03-22 15:15:00
ჩერნობილის ატომური ელექტროსადგურის სიახლოვეს ტყის ხანძრის შვიდი კერა გაჩნდა. იტყობინება უკრაინის სპეციალური კომუნიკაციებისა და ინფორმაციის დაცვის სახელმწიფო სამსახური.
უწყების ინფორმაციით, ხანძარი სავარაუდოდ გამოწვეული საარტილერიო დაბობმვების შედეგად.
"ხანძარი უკონტროლოდ ვრცელდება რუსეთის საოკუპაციო ძალების მიერ კონტროლირებად ტერიტორიაზე", - ნათქვამია უწყების განცხადებაში.
მათივე ცნობით, ხანძრის გამო იზრდება შეშფოთება, რომ შესაძლოა "რადიაციული კვამლი გავრცელდეს".
7 wildfires, likely caused by artillery shelling or arson, have broken out in the area surrounding the #Chornobyl NPP, @ua_parliament reports. The area is now controlled by the 🇷🇺 troops, so the fires are burning unchecked, raising worries that the radiation smoke could spread.
— SSSCIP Ukraine (@dsszzi) March 22, 2022
რუსეთის საოკუპაციო ძალებმა ჩერნობილის ატომური ელექტროსადგური გასულ თვეში, უკრაინაში შეჭრის პირველივე დღეს ჩაიგდეს ხელში. ელექტროსადგურში რჩება უკრაინული პერსონალი, რომელსაც ოკუპანტები აკონტროლებენ.
ფოტო: ხანძარი ჩერნობილთან/საარქივო ფოტო