იმედგაცრუებული ვარ, რომ საქართველოს მთავრობა მხარს არ დაუჭერს უკრაინას - სენატორი რიში
საქართველო, თბილისი - 2022-03-01 23:03:00
აშშ-ის სენატის საგარეო საქმეთა კომიტეტის წამყვანი რესპუბლიკელი წევრის ჯიმ რიშის განცხადებით, შეშინებული და იმედგაცრუებულია, რომ საქართველოს მთავრობა მხარს არ დაუჭერს უკრაინას.
"14 წლის წინ, როცა რუსეთი შეიჭრა საქართველოში, მსოფლიო ჩვენს მეგობრებთან ერთად იდგა თბილისში. ახლა, როცა რუსეთი უკრაინაში შეიჭრა, შეშინებული და იმედგაცრუებული ვარ, რომ საქართველოს მთავრობა მხარს არ დაუჭერს უკრაინას. ვთხოვ მათ, ის გამბედაობა იპოვონ, რაც უკრაინელებმა გამოიჩინეს", - წერს ჯიმ რიში.
14 years ago, when #Russia invaded #Georgia, the world stood with our friends in #Tbilisi. Now, as Russia invades #Ukraine, I'm horrified & disappointed that Georgia’s government will not support Ukraine. I ask them to find the courage that Ukrainians have exhibited.
— Senate Foreign Relations Committee Ranking Member (@SenateForeign) March 1, 2022
შეგახსენებთ, უკრაინის პრეზიდენტმა ვოლოდიმირ ზელენკიმ საქართველოდან კონსულტაციებისთვის ელჩი გაიწვია.
"დაუყოვნებლივ ვიწვევთ ელჩს საქართველოდან მოხალისეების ხელშეშლისთვის, რომლებსაც სურთ ჩვენი დახმარება და სანქციებთან დაკავშირებით ამორალური პოზიციისთვის", - განაცხადა უკრაინის პრეზიდენტმა, ვოლოდიმირ ზელენსკიმ.