იმერეთში ნარჩენების მართვის კოდექსის დარღვევის 2 ფაქტი გამოავლინეს
საქართველო, თბილისი - 2021-05-07 16:11:00
გარემოსდაცვითი ზედამხედველობის დეპარტამენტის დასავლეთის რეგიონული თანამშრომლებმა იმერეთში ნარჩენების მართვის კოდექსის დარღვევის 2 ფაქტი გამოავლინეს.
➡საჩხერის მუნიციპალიტეტის სოფელ ჩომახეთში, მოქალაქემ, საავტომობილო გზის მიმდებარედ, საბურავი და რეზინის ნივთები ღია წესით დაწვა. ასევე საბურავის ღია წესით წვა მოახდინა მოქალაქემ თერჯოლის მუნიციპალიტეტის სოფელ გოდოგანში.
❗ორივე შემთხვევაზე შედგა ადმინისტრაციულ სამართალდარღვევათა შესახებ ოქმები.
❗❗მუნიციპალური არასახიფათო ნარჩენის - საბურავის, რეზინისა და სხვა ელასტომერული მასალის ღია წესით წვა, დასჯადია და ნარჩენების მართვის კოდექსის 35-ე მუხლის მეორე ნაწილით, ითვალისწინებს ჯარიმას 1500 ლარის ოდენობით.