ტაილანდის პრემიერ-მინისტრმა პრესკონფერენციაზე ჟურნალისტებს სადეზინფექციო ხსნარი შეასხა
საქართველო, თბილისი - 2021-03-10 12:51:00
ტაილანდის პრემიერ-მინისტრმა პრესკონფერენციაზე ჟურნალისტებს სადეზინფექციო ხსნარი შეასხა.
გავრცელებული ინფორმაციით, პრემიერ-მინისტრმა საკადრო ცვლილებებთან დაკავშირებულ ჟურნალისტების მიერ დასმულ მწვავე შეკითხვებს ამ აღმაშფოთებელი ჟესტით უპასუხა.
ეს არ არის პირველი შემთხვევა, როდესაც პრემიერ-მინისტრი პრაიუტ ჩან-ოჩნას ჟურნალისტებს უდიერად ეპყრობა. სხვადასხვა დროს, მან ჟურნალისტს ყური აუწია, ხოლო კიდევ ერთ ჟურნალისტს თავში დაარტყა ხელი.
გარდა ამისა, ერთ-ერთ პრესკონფერენციაზე პრემიერ-მინისტრმა თავისი მუყაოს ფიგურა გამოიტანა და ჟურნალისტებს უთხრა, რომ მუყაოს ფიგურისთვის დაესვათ შეკითხვები.
Unhappy with a question, Thailand Prime Minister Prayuth Chan-ocha ends press conference by spraying reporters with disinfectant. https://t.co/ccpv7ZN7Pd pic.twitter.com/gQoZIQY6m7
— ABC News (@ABC) March 10, 2021