ყიფშიძის ქუჩაზე, მიწის ჩავარდნის შედეგად, მამაკაცი დაიღუპა
საქართველო, თბილისი - 2017-03-27 18:05:00
უბედური შემთხვევა თბილისში - ვაკეში, ყიფშიძის ქუჩაზე, მდებარე ერთ-ერთი მშენებარე კორპუსის მიმდებარე ტერიტორიაზე, მიწა ჩავარდა.
გავრცელებული ინფორმაციით, ახალგაზრდა მამაკაცი, რომელიც მშენებარე კორპუსში მუშად მუშაობდა ორმოში ჩავარდა და გარდაიცვალა.
მომხდართან დაკავშირებით გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.