ევროკავშირის ქვეყნებთან საქართველოს საგარეო სავაჭრო ბრუნვა შემცირდა

საქართველო, თბილისი - 2009-10-25 18:11:00
 საქართველოს სტატისტიკის დეპარტამენტის მონაცემებით, 2009 წლის იანვარ-სექტემბერში საქართველოს საგარეო სავაჭრო ბრუნვა ევროკავშირის ქვეყნებთან 1107,2 მლნ. აშშ დოლარია, რაც წინა წლის შესაბამის მაჩვენებელზე 31,5 პროცენტით ნაკლებია; 

როგორც "ჯი-ეიჩ-ენს" სტატისტიკის დეპარტამენტიდან აცნობეს, აქედან ექსპორტი 171,6 მლნ. აშშ დოლარია (38,4 პროცენტით ნაკლები), ხოლო იმპორტი - 935,6 მლნ. აშშ დოლარი (30,0 პროცენტით ნაკლები). ამ ქვეყნების წილად მოდის საქართველოს საგარეო სავაჭრო ბრუნვის 28,0 პროცენტი, მათ შორის ექსპორტის 20,8 პროცენტი და იმპორტის 29,9 პროცენტი. (2008 წლის იანვარ-სექტემბერში - შესაბამისად 26,7 - 22,5 და 27,8 პროცენტი)

ამ ქვეყნებზე მოდის სავაჭრო დეფიციტის 33,2 პროცენტი (2008 წლის იანვარ-სექტემბერში - 29,7 პროცენტი).