საქართველოს პრეზიდენტ მიხეილ სააკაშვილის შეფასებით, გასული წლის გაზაფხულის საპროტესტო ტალღამ ქართული დემოკრატიის განვითარებაზე დადებითად იმოქმედა.
ამის შესახებ სააკაშვილმა ვაშინგტონში, ატლანტიკურ საბჭოში სიტყვით გამოსვლისას განაცხადა.
"დემოკრატიის განვითარება თავისთავად წესრიგის დაცვასაც ნიშნავს. თბილისში სრული წესრიგი იყო მაშინაც, როცა გასული წლის გაზაფხულზე თითქმის სამი თვის განმავლობაში ქალაქის ცენტრალური ქუჩა გადაკეტილი, მთავრობის მუშაობა კი პარალიზებული იყო - მე არ შემეძლო პრეზიდენტის კანცელარიაში შესვლა, რადგან ისიც ბლოკირებული გახლდათ, მართალია მხოლოდ 30 ადამიანის მიერ, მაგრამ ჩემი ნება ცალსახა იყო - ვფიქრობდი, რომ ამ ადამიანებს ჰქონდათ პროტესტის გამოხატვის უფლება და მათთვის ხელი არ უნდა შეგვეშალა. სამი თვის შემდეგ, ამ ხალხმა მიიღო სახლში წასვლის გადაწყვეტილება. ამ საპროტესტო ტალღამ ძალიან ავნო ჩვენს ეკონომიკას, მაგრამ ეს იყო წარმოუდგენელი წინსვლა დემოკრატიის განვითარების კუთხით", - განაცხადა სააკაშვილმა.
გარდა ამისა, მიხეილ სააკაშვილის შეფასებით, "განვითარების გამოხატულებაა" ის, "როცა შენს დედაქალაქთან ახლოს რუსული ტანკები დგანან და შენ ამას მშვიდად ხვდები".
