"ალიანსი საქართველოსთვის" ლიდერი ირაკლი ალასანია ზურაბ ნოღაიდელის მოძრაობასთან ყოველგვარ პარტიულ თანამშრომლობას გამორიცხავს.
აღნიშნულთან დაკავშირებით, ალასანიამ კომენტარი გუშინ, გვიან ღამით, საქართველოში დაბრუნებისას გააკეთა.
"ზურაბ ნოღაიდელთან კოალიციის შექმნა არ განიხილება. ახლა მნიშვნელოვანია "ალიანსმა" ხალხს დაანახოს, თუ რის გაკეთებას გეგმავს მომავალში", - განმარტა ალასანიამ.
მისივე განმარტებით, "ალიანსი საქართველოსთვის" სამოქმედო გეგმა მას შემდეგ გახდება ცნობილი, რაც ის სოზარ სუბარს შეხვდება და მის მიერ წარმოებული კონსულტაციების შედეგებთან დაკავშირებით ინფორმაციას მოისმენს.
შეგახსენებთ, რომ ალასანია აშშ-ში იმყოფებოდა.